Ebyobusuubuzi

Okuwera obuveera kwakoma wa

Abamu ku babaka ba palamenti  abali ku ludda oluvuganya gavumenti  baweze okusimbira ekuulu embalira ya ministule y’amazzi n’obutonde by’ensi singa tessa mu nkola eky’okuwera obuveera.

Mu mwaka gwa 2011, gavumenti  yayisa etteeka eriwera okutunda wamu n’okukola obuveera obutali bugumu , kyokka n’okutuusa kati etteeka lino teritekebwanga mu nkola.

Minisita w’amazzi n’obutonde by’ensi mu gavumenti y’ekisikirize Beatrice Anywar agambye minisitule y’obutonde by’ensi yeusuliddeyo gwanagamba ku nsonga eno kyokka n’obutonde by’ensi bukosebwa.