Ebyobulamu

Poliyo yandiddamu okujojobya Uganda

Okubalukawo kwa Poliyo mu mawanga agaliraanye Uganda okuli Somalia, Central African republic ne Mu Kenya kwandikosa olutalo ku bulwadde buno mu uganda

Okusinziira ku musawo omukugu okuva mu minisitule y’ebyobulamu Dr Bakyaita Basajja Tebadiba, obulwadde buno bwandituuka ne wano olw’ensalo ezitaliiko nnyo natti

Dr Bakyaita agamba nti Uganda yeewa omwaka gwa 2018 okubeera ng’obulwadde buno buweddewo kyokka nga kino kyandigaana

Kino kizze nga gigenda kuwera mukaaga bukyanga bakugu mu byobulamu okuba e Tanzania bakalabula nti abaana abali mu bukadde bubiri n’ekitundu beebali mu bulabe bw’okufuna obulwadde bwa poliyo mu Uganda.

Minisitule y’ebyobulamu nno bino tebitudde nga byalusaago nga kati yakutandika okugema abaana bonna

Omuwandiisi w’enkalakkalira mu minisitule y’ebyobulamu Dr.Asuman Lukwago  agamba nti bakusookera mu bifo ebiri bulabe ennyo.