Amawulire

Omutemu aluyiseeko

Poliisi e  Mbirizi mu disitulikiti ye Lwengo eriko omusajja gwetaasizza okugajambulwa abatuuze nga  bamulumiriza okutta munne omwezi oguwedde.

Kigambibwa nti  Kabenge yatta Samuel Moses omwezi oguwedde bweyali ava okulaba omupiira mu kibanda olwo n’amalamu omusubi nga era poliisi ebadde emuwenja.

Waliwo omutuuze atemezza ku poliisi nga abatuuze bwebabadde bakkaklanye ku Kabenge nga bamuwuttula nayo n’eyingirawo okumutaasa.

Omwogezi wa poliisi mu bitundu bino  Noah Sserunjoji akakasizza nga bwebabadde bawenja omusajja guno kati mwezi mulamba nga aliira ku nsiko.

Agamba  Kabenge wakugulwako gwabutemu nga okunonyereza kwa poliisi kukyagenda maaso.