Amawulire

Bannamaggye bakuziddwa

Omuduumizi w’amaggye g’eggwanga era nga ye mukulembeze w’eggwanga Yoweri Kaguta Museveni akuzizza abasirikale 1,372 mu maggye g’eggwanga aga UPDF.

Abakuziddwa kuliko col Innocent Oula, Col George Igumba, Col Geofrey Kasigazi ne Col Tom Tumuhairwe nga bano bawereddwa eddala lya brigadier general.

Abalala kuliko ba colonel 36,ba Lieutenant Colonel 97,ba major 214,ba captain 629, ne ba  second Lieutenant 392.

Mu bakuziddwa abalala mulimu omwogezi w’amaggye g’omubbanga Tabaro Kiconco awereddwa eddala lya Major.

Ye omuduumizi w’amaggye g’eggwanga Gen Katumba Wamala ayozayozeza abajaasi abakuziddwa.