Amawulire

Uganda eweereddwa ssente z’okulwanyisa Ebirwadde bya Ebola ne Marburg

Ekibiina ky’amawanga amagatte kisuubizza Uganda obuwumbi 18 ez’okulwanyisa ebirwadde okuli Ebola ne Marburg.

Kino kiddiridde endagaano etuukiddwako wakati wa Uganda n’ebitongole by’ekibiina kino ey’okuyamba eggwanga wakati wa 2016-2020.

Ssabaminisita w’eggwanga Dr Ruhakana Rugunda y’akiikiridde Uganda sso nga Ahunna Eziakonwa-Onochie  yeyakiikiridde ekibiina ky’amawanga amagatte.

Dr Rugunda ategezezza nga Uganda bw’egenda okwongera okuteekawo enteekateeko z’okukolagana n’ekibiina kino okutambuza obulunji emirimu sso nga yye Eziaknowa atenderezza nnyo Uganda olw’okubeera erimu ku  mawanga agaataddewo essomo ly’okulwanyisa Ebola ku ttendekero ekkulu e Makerere.