Amawulire

Eyazaala mu muwalawe asibiddwa mayisa

Kkooti enkulu e Masaka eriko taata  kagwensonyi ow’emyaka 54 gw’esibye amayisa lwakuzaala mu muwalawe.

Omulamuzi  Margret Oumo Oguli y’asingisizza Geoffrey Rwishasha omusango guno olw’okwefuula namunswa n’aleeta amawano.

Rwishasha nga taata w’abaana 6 yakakana ku muwalawe ow’emyaka 14 n’amusobyako ate n’amutikka n’olubuto nga omusango guno yaguzza mu 2011 era abadde ku alimanda okuva olwo.

Rwishasha omusango guno y’agukkirizza wabula n’asaba kkooti emuwe ekibonerezo ekisaamusamu wabula oludda oluwaabi nga lwagala kibonerezo kikakali.