Amawulire

Ebye Mukono-Katosi bigenze mu kkooti

Akakiiko akassibwaawo okunonyereza ku mivuyo mu kuzimba oluguudo lwa Mukono Katosi  kakonkomadde nga kalinda minister omubeezi akola ku byenguudo kyokka n’atalabikako

Stephen Chebrot yategeeza ababaka ku kakiiko kano nti yakakasizza ababaka nga bw’ajja okubalaba olwaleero kyokka mu ssaawa envanyuma  n’atalabikako.

Akulira akakiiko kano Eng Sekitoleko Kafeero alagidde omuwandiisi wa palamenti okuddamu okuyita minisita ono nga ssinga agaana bakukola ebyaabwe

Akakiiko kano kati kakusisinkana omukulembeze w’eggwanga olunaku lw’enkya.

Yyo kkampuni y’aba merika eyali yapatana omulimu gw’okuzimba oluguudo lwa mukono katosi eya EUTAW eddukidde mu kkooti ng’eyagala eyimirize eby’okubagoba ku mulimu.

Kkampuni eno omusango egutadde mu kkooti etaputa ssemateeka ng’awakanya eky’okubajjako kotulakiti ey’obuwumbi 165.

Bayise mu bannamateeka baabwe aba Muwema and co advocates ng’era bawakanya eby’okufuna kontulakita omupya

Omulamuzi Elidad Mwangushya enkya lw’agenda okuwulira okusaba kwaabwe.