Amawulire
Namwandu wa Kasiwukira azzeeyo e Luzira
Namwandu wa Eria Ssebunya bangi gwebamanyi nga Kasiiwukira ne banne abalala 3 bongeddwayo ku alimanda E luzira ku by’okuvaako okutta Kasiiwukira.
Namwandu Sarah Nabikolo Sebunya, mugandawe Sandra Nakungu n’omuserikale wa poliisi Ashraf Dedeni bebaziddwa ku meere.
Bano balabiseeko mu maaso g’omulamuzi wa kkooti ya Makindye Richard Mafaabi abazizza ku alimanda bw’ategezezza nga okunoyereza ku musango gwabwe bwekutanaggwa.
Wabula munnamateeka w’abavunaanwa Macdusman Kabega y’enyamidde olw’oludda oluwaabi okulwawo okuwaayo fayilo y’omusango guno omusango gutandike okuwulirwa.
Kino era kiwalirizza omulamuzi okulagira munnamateeka wa gavumenti Happiness Ainebyona okujja ne fayilo eno nga bakomawo mu kkooti nga 29 omwezi guno.
Oludda oluwaabi nga luklembeddwamu lulumiriza abasatu bano nti nga October 17th 2014 wali e Muyenga, baavako okutibwa kwa kasiwukira bweytomerwa nga akola duyiro.