Amawulire

Omuyimbi Chameleon bamukubye mu mbuga z’amateeka

Kooti ekola ku misango gyebyobusubuzi eyisse omuyimbi Jose Chameleone yenyonyoleke kubigambibwa okuba nti yagaana okuyimba mu kivvulu kya Afrika Mashariki  mu ggwanga lya Kenya kyokka nga yali asasuddwa.

Kampuni ya Tendo Grill Limited ng’eyitta mu banamateeka ba Muwema and company advocates, eyagala Chameloene abasasule obukadde 9.9, olwokugaana okuyimba.

Kigambibwa nti Chameleon yalina okuyimba enaku 3 okuva nga 19 – 21 omwezi oguwedde nga wakufuna ensimbi obukadde 28 wamu nendala 14 ez’entambula.

Okusinzira ku biwandiiko ebiragiddwa kooti, Chameleon yatuuka mu kibuga Nairobi ku saawa 6 ez’ekiro kyokka nga yalina okuyimba ku saawa 4, ate mu kibuga Nakulu, ewali ekivvulu ekirala yatuukayo ku saawa 10 ez’ekiro.

Kati amyuka omuwandiisi wa Kooti Thaddeus Opiseni wadde Chameleon enaku 14 okweyanjula mu kooti.