Amawulire

Abantu bandyesamba okulonda kwa 2016

Akulira oludda oluvuganya gavumenti mu palamenti Wafula Oguttu alabudde nga bannayuganda bwebayinza okuzira okulonda kwa 2016 singa enongosereza mu mateeka g’eby’okulonda teziteekebwa mu nkola.

Nga agulawo olusirika lw’ababaka abavuganya gavumenti, Oguttu ategezezza nga bannayuganda bangi bwebatakyalina Ssuubi mu kulonda nga kale kino kyakukosa enkola ya Demokulasiya mu ggwanga.

Oguttu agamba nti mu 2011 bannayuganda 42% beebalama okulonda olw’ab’oludda oluvuganya okwetematemamu nebalemererwa okusimbawo omuntu omu mu kulonda omukulembeze w’eggwanga.

Ategezezza nti yadde gavumenti ya NRM teraga bumalirivu bwonna kuyisa nakuteeka mu nkola nongosereza zino, ab’oludda oluvuganya tebasaanye kupondooka kuzibanja.