Amawulire

Gavumenti egumizza bannakampala ku bya Lukwago

Gavumenti ewadde obweyamu nga bwekola ekisoboka okumalawo okusika omugwa ku bukulembeze mu kitongole kya KCCA.

Ensisinkano y’ab’oludda oluvuganya gavumenti ne ssabaminisita w’eggwanga yagwa butaka nga baali baakuteesa ku ky’okuza loodi meeya Erias Lukwago mu ofiisi.

Kati minisita w’obutebenkevu bw’eggwanga Muruli Mukasa ategezezza nga gavumenti bweyagala okumaliriza kino mu bwangu ddala era n’asaba ab’oludda oluvuganya gavumenti okujja mu nsisinkano eddako n’ebirowoozo ebizimba sso ssi nabukwakulizo obuyinza okugootanya enteeseganya