Amawulire

Omusujja gw’omu byenda gubaluseewo mu Uganda

Minisitule y’ebyobulamu erangiridde nga bwewabaluseewo obulwadde bwa Typhoid mu Kampala, Mukono ne Wakiso

Abantu babiri bakakasiddwa okuba nga bafudde ate abalala 142 bbo balina obubonero naye ebivudde mu musaayi tebinnafuluma

Ab’ebyobulamu bakekebejjako abantu munaana era nebakakasa nti babulina

Atwala ebyobulamu mu minisitule y’ebyobulamu Jane Achieng agamba nti abalina ekirwadde kino beebakolera mu katale ke Nakasero , Nabukeera plaza, Total ye Nakivubo, Namirembe road ne mu paaka za Taxi

Abantu bano abakoseddwa bava mu bitundu bye Namungoona, Kibuli ne Namuwongo kko n’ebitundu ebirala.

Omusujja gw’omu byenda muyite Typhoid gutambuzibwa kawuka akaleeta omusujja ogulya omuntu ebyenda mpola

Akwuka kano katambulira mu mazzi nga ssinga omuntu abikwatako olwo aba awedde.

Mu nsi yonna tyhoid aluma abantu obukadde 21 buli mwaka nga ku bano abantu emitwalo 20 bafa

Omuntu okufuna obulwadde bwa Typhoid asooka kulya oba kunywa mazzi majama oba mu byangu nti ebiririddwa bibaamu kazambi

Akawuka kano kasobola okukulira era mu mazzi oba mu mmere nekamala wiiki eziwera

Abantua bali wakati w’ebitundu 3 n’ebitaano ku kikumi beebatambuza akawuka kano ssinga kaba kanyikidde

Kyokka era abamu bafuna omusujja guno ogw’omubyenda neguwona ng’omusujja omulala nga tegubakosezza nnyo.

Obubonero kw’olabira obulwadde buno

Obulwadde buno bumala mu mubiri wakati wa wiiki emu n’ebbiri era nga bwebuweza ssabbiiti ssatu oba nnya omuntu afuna obubonero okuli

Okukyaawa okulya, okulumwa omutwe, okulumwa omubiri gwonna, okufuna omusujja ng’omuntu ayokya nnyo n’okuddukana