Amawulire

Omuggaga Nabukeera aweereddwa okweyimirirwa

Bya Ruth Anderah,

Omugagga wa wómu Kampala,owa Nabukeera Arcade, Christine Nabukeera ne mutabani we Mawanda Vincent kyadaki baweereddwa okweyimirirwa.

Ababbiri bano olunaku lwegulo basimbiddwa mu kkooti ya Buganda road mu maaso g’omulamuzi we daala erisooka Marion Mangeni eyabasomedde emisango ebiri ogw’okumenya edduuka wamu n’ogwobubbi ne bajegaana.

leero bakomezeddwawo mu kkooti munnamateeka Wabwe,  Mac-Dus-Man Kabega abasabidde okweyimirirwa n’ekukkirizibwa.

Omulamuzi buli omu amulagidde asasula obukadde bw’ensimbi za Uganda 3 nababeyimiridde buli omu asalule obukadde 100 ezitali zabuliwo.

Balagiddwa okudda mu kkooti nga November 24th 2021 balabe okunonyereza mumusango wekunaaba kutuuse.

OLudda oluwaabi lugamba nga July 28th 2020 ku kizimbe Nana wano mu Kampala Nabukeera ne munne babba ensawo z’engato 43, ensimbi enkalu 350million shillings nga byonna awamu bibalirirwamu ensimbi za Uganda obukadde 525m.