Amawulire

FDC esabye DRC eyambibwe okuvunuka obutabanguko bwelimu

Bya Prossy Kisakye,

Ekibiina kye byobufuzi ekya Forum for Democratic Change (FDC) kisabye amawanga gannamukago mu East African Community (EAC) okuvaayo ne ntekateeka egenda okuyamba eggwanga lya Democratic Republic Congo okuvunuka obuzibu bwebayitamu omuli ebyokwerinda ne nobutabanguko obuva ku byobufuzi nga tenakola kuntekateeka zisembayo kwegata ku mukago guno.

Kino kidiridde omwezi oguwedde DRC okukkirizibwa okwegatta ku mukago omwegatira amawanga agali mu buvanjuba bwa semazinga Africa ogwa EAC oluvanyuma lwokumala ebbanga nga bagezaako okuyingira.

Bwabadde ayogerako ne bannamawulire ku kitebe kye kibiina mu Kampala, Senkagale wa FDC Patrick Amuriat ayaniriza DRC okwegatta ku mukago, nagamba nti bannansi ba Congo abawera obukadde 92 mukisa eri Uganda okugaziya ebyenfuna byayo newankubadde waliwo ne migugu emirala egigyolekedde.

Amuriat asabye abakulu mu mukago guno okuteeka essira ku mirembe bagatte amawanga agabadde kumbiranye ne DRC okugeza Congo esonga olunwe mu Rwanda nti ewagira abayekera ba M23 abatigomya ebitundu ebyamambuka ga DRC.