Amawulire
Abasajja 3 basindikibwa mu kkomera lwakulekanira mu katale
Bya Ruth Anderah,
Abasajja 3 abasangiddwa ku Katale ke Nakasero nga balekanira wagulu basuze Luzira lwakweyisa mungeri etagasa mu bantu.
Abassatu bano nga bakulembeddwamu Kawuma Godfrey basimbiddwa mu maaso g’omulamuzi we daala erisooka ku Buganda Road Siena Owomugisha abasomedde omusango nebagukiriza.
Wabula omulamuzi abasindise mu kkomera e Luzira okutuusa September 20th 2022 lwebanadizibwa baweebwe ekibonerezo ekinaaba kibagwanidde.
Kigambibwa abassatu bano omusango baguza nga September 2nd 2022 ku Katale k’e Nakasero wano mu Kampala, era kigambibwa ebikolwa byabwe byali bitataganya entabula yabantu kuba baali bayimiridde mu kubo.