Amawulire

Owa UPDF alumirizibwa okuwamba ettaka lyómusubuzi

Bya Ruth Anderah,

Omusango eggye lya UPDF mwe balirumiriza okubba ettaka ly’omusuubuzi, Frank Matovu Ssenkwajju guweerezeddwa Omulamuzi aguwulire.

Amyuka registrar mu kitongole kye bye ttaka mu kkooti enkulu yasindise Omusango guno eri omulamuzi Olive Kazarwe okuwozesebwa.

Ettaka eririko enkaayana lisangibwa Kitala- Entebbe mu Disitulikiti y’e Wakiso.

Matovu agamba nti ettaka eryogerwako yaligula mu 2018 okuva ku Christopher Musisi, Diana Birungi, ne Bernard Kiwanuka, oluvannyuma ekyappa okudda mu manyage mu 2022.

Kyokka n’eggye lya UPDF ligamba nti lyabwe okuva mu 1987.

Matovu ayagala ebiragiro bya kkooti biwalirize UPDF okwamuka ettaka lye.