Amawulire

FDC yeyamye okwongera okutumbula Kampeyini yaayo mu kukuuma Obutonde

Bya Prossy Kisakye,

Ekibiina ekivuganya gavumenti ekya Democratic Change-FDC, kyeyamye okugenda mu maaso n’okutumbula kampeyini waakyo ew’okukuuma obutonde bw’ensi eyatuumibwa ‘’Greening Uganda’’ mu mwaka gwa 2023.

Okusinziira ku pulezidenti w’ekibiina kino, Patrick Amuriat, ekibiina kino mu mwaka ogufundikira 2022 kisimbye emiti egisoba mu 500,000 okwetoloola eggwanga lyonna mu kaweefube w’okukuuma obutonde bw’ensi.

Akubiriza buli Munnayuganda okwenyigira mu kaweefube ono nga basimba emiti si ku bikujjuko byokka wabula buli webalabidde nti kigwana ng’agamba nti kino kijja kuyamba mu kutumbula emmere, okwongera ku nfuna y’abantu b’omu kitundu kw’ossa n’okuwagira okuddamu okulimba ebibira mu Uganda.

Okusinziira ku kitongole ekivunaanyizibwa ku bibira mu ggwanga, mu myaka 25 egiyise, Uganda efiiriddwa ebitundu 63% ku bibira byayo olw’okutema emiti, olw’enku, embaawo, amanda, wamu n’okukula ennimiro n’ebibuga