Amawulire

Paalament eyise Minisita w’ensonga ez’omunda mu ggwanga ku ttemu ly’emmundu

Damalie Mukyaye. Waliwo ababaka ba Parliament abasabye Speaker okuyita mu bwangu Minisita ow’ensonga ez’omunda mu gwanga okujja annyonyole Parliament ku temu elikyase mu gwanga nga likolebwa bakuuma dembe.

Basinzidde ku kuttibwa kwa kw’abadde Minisita Omubeezi ow’ensonga ez’abakozi Charles Okello Engola, ng’ono yattibwa mukuumi we Wilson Sabiiti.

Omulala yabadde Musirikale wa Poliisi Ivan Wabwiire eyakidde omusuubuzi omuyindi Uttam Bandhari n’amukuba amasasi agamutiddewo.

Bano bagamba nti ate wabaddewo n’obutemu obulala ng’obwabakuumi bw’obwanannyini e Konge mu Makindye omu yakubye munne essasi namutta ku nkomelero ya sabiiti ewedde ate nga ne Wanbdegeya wabaddeyo omukuumi eyakubye Geoffrey Mwesigwa essasi nga negyebuli eno abooca nabisago mu dwaliro e Mulago.

Mu babaka abavuddeyo ku nsonga eno kwekuli Allan Mayanja okuva e Nakaseke ne Joseph Sewungu okuva e Kalungu.