Gavumenti ya Ghana ewerezza obukadde bwa doola busatu eri tiimu yaayo e Brazil mu mpaka z’ekikopo ky’ensi yonna.
Amyuka minisita akola ku by’emizannyo Joseph Yamin ategeezezza ng’abazannyi bwebabasabye okubawereeza ensimbi enkalu nga y’ensonga lwaki bawerezza ssente zino ku nyonyi
Tiimu ya Ghana ezannya nkya nga yeetaga buwanguzi okuyitawo .
Kyokka era kino, kisinziira ku mipiira gya America ne Germany nga baba balina okukubwa mu mipiira gyaabwe oba okugwa amaliri.