Bya Ritah Kemigisa, Felix Ainebyona ne Alfred Tumushabe
Minister wa ssemateeka ne ssiga eddamuzi maj Gen Kahinda Otafiire ayambalidde omubaka wa Kyadondo East Robert Kyagulanyi Ssentamu, amanyiddwa nga Bobi Wine, ngategezezza nga bwagezaako okuzza abazungu okufuga Uganda amatwalee.
Ono agambye nti Bobi Wine aloopa presidenti Yoweri Museveni mu America ne Bungereza balyoke bafuge Uganda obumbula.
Otafiire agambye nti ono yaloopa oluvanyuma lwebyali mu kulonda kwomubaka wa munisipaali ye Arua, wabulanga agamba nti omulabe wa Uganda yooyo addukira mu bazungu okufuna obuyambi, neku busonga obutono gamba ngobutakanya ne presidenti Museveni.
Bino abitegezzza abawagizi be NRM ababadde baakunganidde ku Booma Grounds mu district ye Mbarara.
Agambye nti abaddukira mu bazungu okufuna obuyambi bagwana basigaleyo tebadda kuno.
Ebisingawo ku mboozi eno biri mu daily monitor wa leero.
Mungeri yeemu ekibiina kya NRM kigamba nti tekitidde omubaka wa Kyadondo East Robert Kyagulanyi, amanyiddwa nga Bobi Wine.
Bino byogeddwa omwogezi wa gavumenti Ofwono Opondo mu biseera ng’okulonda kwa 2021 kukubye koodi.
Opondo agambye nti waddenga ono alaga alina obuwagizi, naye asigala talina kyali mu byobufuzi n’obukulembeze.
Opondo agambye nti bbo nga NRM omuntu gwebatya ye Dr. Kiiza Besigye.
Bino webijidde nga Bobi Wine, presidenti Yoweri Museveni ne ssenkaggale wa DP Norbert Mao bebakesowolayo, nebalaga nga bwebagenda okwesimbawo mu 2021.
Ate gavumenti ewakanyizza ebyayogeddwa munna FDC Dr Kizza Besigye nti tegenda kuberayo kwa bonna kulonda mu 2021.
Dr Besigye mu gandaalo erya sabiiti yategezezza nti gavumenti bweaerina ssente, okutegeka okulonda.
Wabula omwogezi wa ministry yebyensimbi Jim Mugunga bino abiwakanyizza, nagamba nti yye embeera eno eyobwavu mu gavumenti Besigye gyayogerako abadde tajimanyi.
Mugunga wabula agambye nti kyebaliko baamaze okwanja embalirira yaabwe eyomwaka gwebyensimbi ogujja eri palamenti, na byonna ebigenda okukolebwa omuli n’okulonda.
