NYANAMA-KAMPALA
Bya Moses Nadye
Entiisa ebutikidde abatuuze be Nyanama mu district ye Wakiso bwebazudde omukyala omulala nga yattidwa.
Omwogezi wa police ya Uganda Asan Kasingye agambye nti omukyala ono attidwa tanategerekeka bimukwatako, wabulanga omulambo gwe gusangiddwa nga gwasulidwa ku kubo.
Agamba nti obubonero obuliwo bulaga nti omukyala ono yasoose kukubibwa ebitagambika, ekirabika nti kyekyamuviriddeko okufa.
Mu kaseera kano omulambo gw’omugenzi gutwalidwa mu gwanika mu ddwaliro ekkulu e Mulago, nga ne poliisi egamba okunonyereza kutandise.