Bya Ivan Ssenabulya
Poliisi erangiridde entambula yebidduka enagobererwa, mu kulamaga kwomwaka guno nga 3rd e Namugongo ku Sunday ya wiiki eno.
Bwabadde ayogera ne banamwulire e Nmugongo, omuddumizi wa poliisi mu Kampala nemiriraano Norman Musinga asabye abantu okugoberera amateeka agalambikiddwa.
Agambye nti waliwo enguudo ezigenda okuggalwa nokusalwako mu biffo nga ku nkulungo e Naalya, eye Kireka, eye Kiira, Bweyogerere, Seeta neye Kyaliwajjala.
Eno abakoga be mmotoka eza bulijjo naba pikipiki balabuddwa nti ssi bakusukka ku nkulungo zino.
Kati abalamazi bagenda e Nakiyanja mu bakulisitaayo neku Mamre balagiddwa okuyita e Seeta ne Bweyogerere .
Abava oludda olwa Kiira T/Council bakukozesa oluguudo lwa Mamerito Road.
Musinga era agambye nti abava e Mukono ne Jinja sokugenda ku kigwa kyabakatuliki bakuyita Kireka.
Ate okuva mu Kabuga ke Kyaliwajjala abatambuza ebigere okutuuka ku kiggwa kyabajulizi bokka bebajja okukirizibwa.
