Amawulire

Abadde abba omwana akwatiddwa

Poliisi e Masaka ekutte omukyala ow’emyaka 33 ng’abba omwana omuwere mu ddwaliro

Prossy Namugera nga mutuuze we Kayirikiti Nyendo akwatiddwa luno ne bbebi omulenzi ng’ono abadde wa Christine Nakintu

Nakintu webamubbiddeko omwana abadde yeebase nga tawulira omukyala ono n’asitula omwana okuva ku kitanda kw’abadde

Wabula wabaddewo katemba omubbi w’omwana bweyefudde omulalu n’atandika okweyambula naye nga kino tekimutaasizza

Abantu bamukutte nebamukwaasa poliisi.

Mu kumukunya, omukyala ono agambye nti Ssenga we Resty Namulema eyafumbirwa omujaasi e Kasajjagirwa y’abadde amutumye

Ayongeddeko nti Senga we ono tazaala era ng’abadde ayagala kutaasa bufumbo bwe kubanga omusajja abadde asiiba amubanja omwana