Amawulire

Tetulaba ku muntu eyekalakaasa- Poliisi

Poliisi erabudde abagoba b’ebidduka obutetantala kutegeka kwekalakaasa ku monday eya wiiki ejja.

Abagoba aba Taxi, boda Boda, wamu ne Loole balangirira okwekalakaasa nga bawakanya amateeka nga KCCA ku bidduka.

Omuduumizi wa poliisi mu Kampala n’emiriraano Andrew Felix Kaweesi agamba nti akeediimo kano tekannaba kukkirizibwa

Kaweesi agambye nti n’abasirikale ba polisi abanalemererwa okutangira abagoba b’ebidduka okwekalakaasa bakukwatibwa era bavunaanibwe.

Kaweesi agambye nti singa abagoba b’ebidduka banaagenda mu maaso n’okwekalakaasa gavumenti yakufuna emotoka ezinasabaaza abantu.

Wabula abagoba b’ebidduka bakyaawera okugenda mu maaso n’akeediimo kaabwe.

Akulira abagoba ba taxi mu kampala Mustafa Mayambala agambye nti okujjako nga KCCA ekkiriza okukola ku nsonga zaabwe, bakugenda mu maaso n’okwediima.