Amawulire

Ogwa Namubiru gujulidde

Okuwulira okujulira kw’omusawo eyasibwa emyaka 3 olw’okukuba omwana empiso ya siriimu kwongezeddwayo okutuusa nga 6 November.

Rose Mary Namubiru awakanya ekibonerezo kino nti kikakali

Amyuka omuwandiisi wa kkooti enkulu Festo Nsenga ategezezza nga ensalawo ku musango guno tenategekebwa nga n’omulamuzi ali mu mitambo gy’omusango guno Alrbert Rugadya taliiwo.

Namubiru y’aggalirwa omulamuzi wa kkooti ya Buganda Olive Kazarwe oluvanyuma lw’okumusingisa omusango gw’okwefumita empiso nga alina siriimu n’agikuba omwana mu January wa 2014.

Namubiru yemulugunya nti omulamuzi teyekkenenya bulungi bujulizi n’amusingisa omusango.

Ono abadde mu kkomera okuva ku ntandikwa y’omwaka guno.