Amawulire

Gavumenti yakusasula ababulwako omwana

Kyaddaaki gavumenti ekkirizza okuliyirira abafumbo ababbibwaako omwana waabwe omulungo mu ddwaliro e Mulago mu mwaka gwa 2012

Omuwaabi wa gavumenti Ojambo Chikpi  y’ategeezezza bino bw’abadde mu maaso g’omulamuzi wa kkooti enkulu Lydia Mugambe

Ojambo agambye nti baliko webatuuse n’abafumbo bano Michael Mubangizi ne Jennifer Musimenta era nga kati bali mu kwebuuza ku muwi w’amagezi eri gavumenti ku byamateeka ku ssente mmeka zebalina kusasula

Bano nno baali baagenda mu kkooti nga bagala kkooti eyise ekiragiro ekikaka abe ddwaliro lye Mulago okubawa omwana waabwe

Bafumbo bano bazaala abalongo kyokka omu n’abula mu ngeri etategerekeka

Baliko omulambo gw’omwana gwebabawa kyokka nga bagenda okumukebera nga ssi waabwe bwebatyo kwekugenda mu kkooti.