Amawulire

Aba 4GC bagenda Congo ku bya Mugumya

Eby’okukwatibwa kwa Sam Mugumya nga ono ye Muyambi w’eyali ssenkagale w’ekibiina kya FDC  Dr.Kiiza Besigye bikyalanda.

Bannakisinde kya 4GC balangiridde nga bwebagenda okwolekera eggwanga lya Congo mu kibuga Kinsasha ku lwokuna lwa sabbiiti ejja okulaba wa gy’akuumibwa oluvanyuma lw’okukwatibwa.

Okusinziira ku maggye ga  UPDF, Mugumya yakwatibwa ku byekuusa ku bikolwa by’ekiyeekera sso nga yyo gavumenti ya Congo egamba ono y’akwatibwa lwakuyingira ggwanga lyabwe nga talina lukusa.

Bwabadde ayogerako nebannamawulire wali ku ofiisi z’omukago ogugatta ebibiina ebivuganya gavumenti ku luguudo lwa Katonga, omukwanaganya w’ekisinde kino Mathius Mpuuga ategezezza nga bweberalikiriddemu olw’ebyogerwa ku kukwatibwa kwa Mugumya ebikoonagana.

Agamba kati basazewo okukwanga ekitebe kya Congo kuno ekiwandiiko nga baagala okunyonyolwa ku kukwatibwa kwa Mugumya ssaako n’okubawa Visa ezibatwaala e Congo ku Lwokuna olujja.