Amawulire

NRM yakwongera okuyulika- Muntu

Ssenkagale w’ekibiina kya FDC Gen Mugisha Muntu asabye abavuganya gavumenti okukozesa enjawukana mu kibiina kya NRM okufunza obuyinza.

Bwabadde aggulawo ttabamiruka ono Gen Mugisha Muntu alagudde nga NRM bwegenda okunafuwa nga ttabamiruka ow’omulundi ogwe 15 awedde.

Muntu ategegezezza nga ab’oludda oluvuganya gavumenti bwebasaanye okukozesa akakisa ku njawukana eziri mu kibiina kya NRM beegatte bawangule obuyinza.

Wabula Muntu agamba kino okusoboka nga abavuganya beegase okumalawo okulumangana okubaddewo.

Ttabamiruka ono yeetabiddwamu ebikonge mu FDC okuli eyali ssenkagale w’ekibiina kino , Dr Kiiza Besigye, Nandala Mafaabi, ababaka ba palamenti n’abakulembeze abalala.