Amawulire

Ssabawolereza wa Gavumenti atabuse ku nsonga za Zziwa

Amyuka Ssabawolereza wa gavumenti Fred Ruhindi aliko omukoko gw’ebbaluwa gwawandikidde abakulembeze b’amawanga nga East Africa ng’abasaba bayingire mu nsonga z’okugoba sipiika wa Palamenti ya East Africa Margret Zziwa.

Ruhindi avumiridde ekikolwa eky’okugoba Zziwa nebamusikiza Chris Opoka, n’ategeeza nti kyaali kimenya  mateeka kubanga ababaka be East Africa balemerererwa okuwaayo okwemulugunya kwabwe mu butongole ku neeyisa ya Zziwa nga tebanamugoba.

Ruhindi agambye nti olukiiko lwa East Africa lulina okutuula amangu ddala okunogera ekizibu kino eddagala okwewala okuswaza amawanga ga East Africa.

Ruhindi era asabye amateeka agafuga palamenti ya East okukyusibwamu, okusobozesa ababaka abeeyisa obubi okusobola okujjibwa mu lukiiko luno.