Amawulire

Ssabawolereza ali mu kattu

Akakiiko ka palamenti akanonyereza ku mivuyo mu kuzimba oluguudo lw’egaali y’omuka, katadde ssabawolereza wa government Peter Nyombi kuninga anyonyole kubigambibwa nti yalagajalira omulimu gwe mu kugaba contract eyokuzimba oluguudo luno.

Akakiiko kano kalumiriza Nyombi okulemererwa okuwabula government ngatenakiriziganya ne company yaba China, okutandika okukola oluguudo luno.

Ssentebe w’akakiiko kano Kafeero Ssekitoleko agambye nti Nyombi okulemererwa okukola omurimu gwe, kiyinza okufiriza government esimbi ezisoba mu buwumbi.

Wabula Nyombi ategezeza akakiiko ngabweyawabula minister w’ebyenguudo Ibraham Byandala kyoka neyefuula nampulira zibi.