Amawulire

Abaserikale ba poliisi kati bazze mu bettingi lwabutasasulwa

Oluvanyuma lw’omwaka mulamba nga tebakomba ku musaala, abaserikale ba poliisi mu bitundu bye Moroto ne Karamoja basazeewo bezanyire zaala okusobola okufuna kyebalya.

Abaserikale abasoba mu 70 bemulugunya nga bwebaakoma okukomba ku musaala omwaka oguyise mu mwezi gwa August nga kati babadde beerya nkuta kwekusalawo okugezesa emikisa gyabwe mu bettingi.

Ba ofiisa bano abataagadde kwatukirizibwa manya bategezezza nga omukisa bweguyinza okubakwatira awo nebawangula obukadde bw’ensimbi nebawona ennaku ya poliisi.

Bano bagamba bagezezzaako enfunda eziwera okubanja ssente zaabwe wabula nga balinda abafuuyira endiga omulele.

Yye aduumira poliisi e Moroto  George Obia agaanye okubaako nekyayogera ku nsonga y’abaserikale bano wabula n’ategeeza nga buli Muntu bwali ow’eddembe okubetiinga kale nga kizibu okukoma ku basajja be bano.