Amawulire

Lukwago alabudde gavumenti ku by’okumuzza mu ofiisi

Loodi meeya wa Kampala  Erias Lukwago alabudde gavumenti obutageza kwebulankanya ku ky’okumuzza mu ofiisi mu mwezi 2 omwaka ogujja nga bweyasuubizza.

Gavumenti nga eyita mu ssabaminisita w’eggwanga  Dr. Ruhakana Rugunda olwokutaano oluwedde yeyama okuzza Lukwago mu ofiisi okumalawo okusika omugwa mu kibuga Kampala.

Lukwago agamba gavumenti esaanye okwewala okusiba bannakampala bbule nga bweyakola mu December w’omwaka oguwedde bweyasuubiza okumuzza mu ofiisi wabula nebebuzabuza.

Wabula Lukwago alabudde nti yadde nga anaaba aziddwa mu ofiisi, okubanja embalirira ssiwakubivaako n’obufuzi obugoberera amateeka okuva ku ludda lw’ebyekikugu.