Amawulire

Abavubuka ba JEEMA bagobye abakulembeze baabwe

Waliwo ekibinja ky’abavubuka b’ekibiina kya  JEMA abalumbye ekitebe ky’ekibiina kino e  Kamwokya nebeddiza obuyinza ku nzirukanya y’emirimu gy’ekibiina.

Bano balumiriza abakulembeze baabwe abakulirwa ssenkagale w’ekibiina  Asuman Basalirwa nti emirimu gibalemye nga balemereddwa n’okutegeka ttabamiruka w’ekibiina.

Wowulirira bino nga abavubuka bano bebaddukanya emirimu mu kaseera kano nga bwebategeka ttabamiruka w’ekibiina.

Twogeddeko ne ssentebe w’akakiiko ak’ekiseera akatekeddwawo okuddukanya ekibiina kino.

Yye ssenkagale w’ekibiina kino  Asuman Basalirwa tasobodde kufunika kubaako ne kya’ayogera ku nsonga eno nga n’essimu ze ezimanyiddwa teziriiko.