Amawulire

Okusunsula mu siniya y’okutaano kutandise

Minisitule y’ebyenjigiriza olwaleero lwetandika okusunsula okwennaku 2 okw’abayizi abagenda okwegatta ku siniya 5 wali ku yunivasite ya Kampala International.

Abayizi abali eyo mu  280000 abaayitira mu ddaala erisooka okutuuka ku lyokuna basobola okusunsulibwa.

Amassomero amanene okuli Kings college Buddo, St Mary’s college Kisubi, Namagunga n’amalala bakalize obubonero nga bali wansi w’obubonero 12.

Wabula minisita w’ebyenjigiriza  Jessica Alupo alabudde abakulu b’amassomero okugoberera amateeka g’ekitongole ky’ebyebigezo basunsule abayizi bonna abayitidde mu ddaala okuva ku lisooka okutuusa ku lyokuna.