Amawulire

Omuyizi we Makerere asangiddwa nga mufu

Poliisi ye Wandegeya etandise okunonyereza ku muyizi wa yunivasite ye Makerere eyasangiddwa ng’afudde mu Hostel emu, akawungeezi akayise.

Juliet Piloya  abadde omuyizi mu mwaka ogw’okusatu asangiddwa ng’afudde mu kisulo kya Kyoga esangibwa mu Kikumikikumi okumpi ne Wandegeya.

Aduumira poliisi ye Wandegeya Jackson Mucunguzi agambye nti okunonyereza okwakakolebwa kulaga nti omuyizi ono abadde n’ekirwadde ekimutawaanya era nga kirabika kyekyamujje mu budde.

Mucunguzi agambye nti omulambo gw’omugenzi gutwaliddwa mu ddwaliro ekkulu e Mulago ng’okunonyereza bwekugenda mu maaso.