Amawulire

Abantu 5 bafiiridde mu muliro e Makindye

Bya Juliet Nalwooga,

Poliisi e Kabalagala etandise okunoonyereza ku muliro ogukutte ne guleka ng’abantu 5 bafudde mu Yoka zone Bukasa Parish, Makindye Division

Bino bibaddewo mu kiro ekikeesezza leero ku saawa nga 8 ez’amatumbi.

Kigambibwa nti omuliro guno gwandiba nga guvudde ku musubbawa ogwalekeddwa mu kayumba ka Ogola Charles ng’ono alonda plastic negusasaana mu nyumba ya Luyomba Steven 50, mweguttidde ababaddemu.

Abafu kuliko Luyomba, Nafula Doreen 35  muka Luyomba, Lubega Sumei, 16, Naiga Edith 15 ne Andrew 7 nga bonna baana ba Luyomba.

Amyuka ayogerera Poliisi mu Kampala n’emiliraano Luke Oweyesigire akakasizza amawulire gano.