Amawulire

Abakiise ba FDC bayimiriza Amuriat ne bamusikiza Lukwago

Bya Prossy Kisakye,

Abakiise abeetabye mu tabamiruka wekibiina kya FDC ekiwayi kye Katonga banabidde mu maaso abadde senkagale wekibiina Patrick Oboi Amuriat, rne bamugoba ne bamusikiza Loodi meeya wa Kampala Erias Lukwago.

Abakiise era bagobye abadde ssaabawandiisi we kibiina, Nathan Nandala Mafabi ne bamusikiza abadde omumyukawe Harold Kaija ate abadde Omuwanika we kibiina Geoffrey Ekanya naye agobeddwa ne bamusikiza omumyukawe Francis Mwikukye.

Bino biyisiddwa mu tabamiruka akubirizibwa ssentebe wékibiina Ambassador Wasswa Biriggwa mu maaso gómutandisi wekibiina kino Retired Col Dr Kiiza Besigye akawungeezi ka leero ku yaffesi ye ku Katonga Road.

Mungeri yemu abakiise mu tabamiruka ono basazeewo nti walondebwewo akakiiko ke byokulonda akagya akagenda okutegeka okulonda okwamazima nobwenkanya mu nda mu kibiina kyabwe.

Okusalawo kuno kusomeddwa omwogezi wa FDC Ssemujju Nganda