Bya Mike Sebalu
Poliisi y’ebidduka mu gwanga etegeezezza ng’omuwendo gw’obubenje ku makubo bwegweyongedde okwetoloola ebitundu by’eggwanga eby’enjawulo mu bbanga elya ssabiiti ewedde.
Obubenje buno bwaviiriddeko abantu obamu okufiirwa obulamu n’abalala nebaluzimbwa n’ebisago eby’amaanyi.
Okusinziira ku mwogezi wa Poliisi y’ebidduka Micheal Kananura, pikipiki nga bulijjo zezasinga okuvaako obubenje buno obwakoze ebitundu 49 ku 100 ku muwendo gw’abantu ababufiiriddemu.
Kananura ayongeddeko nti abantu abatambuza ebigere ku makubo baakutte kyakubiri okufiira mu bubenje obwo n’ebitundu 30 ku mugatte gw’abo ababufiiramu.
Kananura ategeezezza nti ebimu kubyasinze okuviirako obubenje buno kuliko okuvugisa ekimama nga bayitira mu kuvuga endiima n’okumala gayisa nemubifo webatasaanidde.
Abadde ayogerera mu lukiiko lwabannamawulire olwa buli sabiiti ku kitebe kya Poliisi e Naguru gy’ategeezezza nga okuvugisa ekimama kwekwaviirako okufa kw’abantu abakola ebitundu 54 ku abo abaafa mu sabiiti enamba.
Mu bubenje bwanokoddeyo mwemubadde n’ako akatirimbula abantu 4 mu Kabuga k’e Kibale ku luguudo oluva e Pallisa okudda e Kumi n’obulala.
End
