Amawulire

Agambibwa okusiiga Omwana Siriimu Azze Luzira

omusawo owemyaka  64 agambibwa okwefumita olugalo n’empiso namala nagikuba omwana namusiiga siriimu kooti emuganye okweyimirirwa.

Omukyala ono yasabye yeyimirirwe kubanga akuliridde mu myaka nga ate mulwadde wa Mukenenya eyetaaga okujanjabibwa.

Wabula omulamuzi wa kooti ya Buganda Road  Olive Kazaarwe akamutemye nti  tafaayo n’eLuzira abalwadde ba siriimu babajanjaba bulungi ddala.

Omulamuzi ategezezza nti omusango guno munene nga aguzizza tayinza kwekwasa bukadde.

Ono alagidde Rosemary  Namubiru adizibweyo mu kkomera e Luzira okutuusa nga 11 omwezi guno lwanadizibwa mu kooti abitebye.

Namubiru nga mutuuze we  Seguku-Nsalo zone kulw’Entebbe kigambibwa nti yakola ettima neyefumita engalo n’empiso nga akimanyi nti alina siriimu ate oluvanyuma najikuba omwana Mathew Mushabe ow’emyaka ebiri n’ekitundu.