Amawulire

DFCU etuuyanye nga kasitoma agibanja

Poliisi yeebulungudde Banka ya DFCU ku kitebe kyaayo ekikulu ku luguudo lwa Jjinja road.

Emirimu gisanyaladde nga tekinnaba kutegerekeka kiki ekireese poliisi.

Obuzibu buvudde ku kasitoma omu ategerekese nga Geoffrey Amasha eyawaaba banka eno ng’agamba nti yeewola ssente obukadde 82 era n’azisasula.

Wabula banka eno yagenda mu maaso n’okutwaala enyumba ye esangibwa mu Adjumani.

Omusajja ono yaddukira mu kkooti era n’eragira nti banka esasule ssente ze.

Kati banka emusasuddeko obukadde 19 n’esuubiza okumala endala mu ssabbiiti emu

Atwaala poliisi ya CPS, Denis Namuwooza agamba nti bbo bayitiddwa kulaba nti tewabaawo buzibu bwonna nga DFCU esasula ebbanja lino.