Bya Shamim Nateebwa
Abamu ku bannakyewa abalwanyisa emize gyokukozesa ebiragalalagala n’omwenge mu gwanga naddala mu baana abato, balabudde gavumenti obutakkiriza ekyabantu abaakosebwako ekizibu, okutandikawo ebifo ebibudabuda abaana abakozesa ebiragalalagala kubanga kyabulabe eri obulamu bwabaana.
Abakulu mu kitongole kya Uganda Youth Development Link (UYDEL), bagamba nti ensanji zino abamu ku bantu abazze bakosebwa olwo’kukozesa ebiragalalagala batandikawo amalwaliro nebifo ebibuliirira abaana abakoseddwa, nga beerimbise mu kyokukwasizaako gavumenti okumalawo omuze guno.
Bano bagamba nti kino kigendereddwamu kukola nsimbi, ssi kulwanyisa muze guno.
Ssenkulu wekitongole kino Rogers Kasirye agambye nti abantu ababadde bakosebwa mu balina kusooka kusomesebwa ku byebalina okukola sso ssi kumala gayogera nebyo, ate ebiyinza okusikiriza abaana okweyuna emize gino.
Kino kidiridde abakulu ku ttendekero la Makerere Business School (MUBS) okulangirira nti bagenda, kukozesa omuyimbi Jackie Chandiru, okulwanyisa n’okubulirira abayizi mu ttendekero eryo akabi akali mu kukozesa ebiragalagala.