Bya Prossy Kisakye,
Gavumenti esabye abakulira emikutu gyamawulire okutekawo enkola ezinasobozesa bannamawulire abakyala okweyagalira mu mirimu gyabwe.
Bino abyogeredde ku mukolo nga bannamawulire abakyala bakuza olunaku lwe ddembe lyabwe ogutegekedwa ekibiina omwegatira bannamawulire abakyala ekya UMWA mu Kampala.
Nabakooba agambye nti minisinitule ye ekimanyi waliwo okusomoozebwa bannamawulire gwebayitamu wabula nabawa amagezi okudukira mu kakiiko akyatekebwawo gavt aka Uganda media council bekubire enduulu ensonga zabwe zikolebweko.
Mungeriyemu asabye bannamawulire abakyala okukwatagana balwanyise ebikolwa ebyokutulugunyizibwa lwekikula kyabwe byebayitamu.
Ate abekitongole kya Uganda National Commission UNESCO, bagala gavt ebavunaane n’okubonereza bonna abazze benyigira mu kutyoboola eddembe lyabanamawulire.
Bino byogeddwa ssabawandiisi wekitongole kino, Rosie Agoi, bannamawulire abakyala bwebabadde bakuza olunnaku lweddembe lyabannamawulire ku mukolo ogutegekedwa ekibiina omwegatira bannamawulire abakyala ekya UMWA mu kampala.
Olunnaku luno munsi yonna lukwatibwa buli nga 3 May
Ono agambye nti kimalamu amaanyi okulaba nga bannamuwulire lubeerera eddembe lyabwe lityobolebwa ne batafuna bwenkanya.
Alipoota ya UNESCO ekyasembyeyo, eraga nti bannamwulire abakyala 73% bebatusibwako okutulugunyizibwa okuyita ku mikutu egyomutimbagano oba eyo gye bakolera emirimu gyabwe.
