Bya Prossy Kisakye, Poliisi mu disitulikiti y’e Kabale etandise okunonyereza ku kyavirideko omusajja ategerekese nga Samuel Barisigara ow’emyaka okwetugira mu nju ye.
Kigambibwa nti omugenzi abadde n’ekizibu ku bwongo era abadde ku bujanjabi mu ddwaliro ekkulu e kabale
Mutabaniwe Kajungu agamba nti kitaawe yakedde ku mugamba nga bwayagala okufa wabula ye nanyooma ebigambo bye nga alowooza nti eddalu lituuse n’amuleka awaka ye nagenda okukola wabula kya mwewunyisiza okugamufuuwa nti kitaawe yafuuse dda embuyaga ezikaza engoye.
Omwogezi wa poliisi mu bitundu byekigezi Elly Maate akakasiza amawulire gano era nategeeza nti alipoota y’omusawo eraga nti balisigara yetuze yekka.
Mungeri yemu entiisa ebutikidde abatuuze b’e Kishanje mu Rubanda tawuni kanso mu disitulikiti y’e Rubanda omusajja ategerekese nga John Asimwe ow’emyaka 38 bwe bamusanze wagulu ku muti nga alengejja
Ono kigambibwa nti naye yetuze era omwogezi wa poliisi mu bitundu ebyo Elly Maate agamba nti ono abadde mulwadde mu ddwaliro lya Muko health center IV gyeyatolose ku basawo n’agenda yetugira ku muti
Poliisi etandise okunonyereza kukyamubagudde ku kitanda kye ddwaliro agende yetugge.
