Bya Francis Mugerwa, Abantu 12 bandiba nga bebafiiridde mu kabenje k’okumazzi, eryatto kwe babade bwerigudde mu Nyanja Albert.
Bano babadde batuuze ku myalo, Kamina, Songarao ne Kitebere mu gombolola ye Ndaiga mu district ye Kagadi, nga babadde bakolera mu ggwanga lya Democratic Republic ya Congo.
Omudumizi wa poliisi e Kagadi Romeo Onek Ojara agambye nti bano babadde basubuzi, nga basimbudde mu budde obwekiro.
Agambye nti tebanakakasa akabenje kano kaavudde ku ki, wabala nga bakataasako abantu 6.
