Bya Ivan Ssenabulya
Omulamuzi w’eddala erisooka mu kkooti e Mukono Mariam Nalugya asindise abasajja 4 mu kooti enkulu bawozesebwe emisango gyobutemu nga kigambibwa nti bebakuba musiga nsimbi amasasi, eyali akulira kampuni ya Nile Steel and Plastics e Nangwa.
Abavunanwa kuliko Francis Ogwal owemyaka 30 ng’amukuumi mu kampuni y’obwanayini, Joseph Nalondah owa 32 nga muzimbi era omutuuze we Mutungo e Nakawa, Edson Musiguzi 31 omusubuzi nga mutuuze we Nansana mu Wakiso ne Omala Kokasi 29 bebasindikiddwa mu kooti enkulu.
Oludda oluwaabi lugamba nti bano ne munaabwe atanasindikibwa mu kkooti enkulu Fred Gatukaya 45 omutuuze wa Banda e Nakawa nga 1 Septmber wa 2017 batemula Yung Ye Su eyali akulira kampuni ya Nile Steel and Plastics bwebamukuba amasasi agamutta.
Bano bayingira munda mu kampuni nga befudde ba kasitoma nekigendeerwa ekyokubba ensimbi.
