Bya Damali Mukhaye, Abayizi abasoba mu 30 okuva ku Ssetendekero wa Makerere be bakwatiddwa Poliisi ng’eyambibwako aba-miritale.
Mu bakwatiddwa kuliko n’omukulembezze waabwe Munnakisinde kya People Power Julius Kateregga,kwossa n’abayizi abali ku mwaka gwabwe ogw’okubiri.
Bano baky’ekalakaasa olw’abakulira ettendekero lino okwongeza ebisale kye bagamba nti si kyabwenkyanya.
Poliisi ewalirizidwa okuba omukka ogubalagala mu bbanga okusobola okukakanya abayizi abafulumye university eno ne beyongerayo mu bitundu ebiriranyewo.
Ku nsonga y’emu ssenkulu ku ttendekero lino Prof Barnabas Nawangwe aliko abayizi 2 bagobye, nga abalanga okutataganya emirimu gyettendekero.
Kinajjukirwa nti omwaka oguwedde olukiiko olufuzi olwa ssetendekero lw’ayisa enyongeza ey’ebitundu 15 % nga zakugendera ddala okumala emyaka 5.
