Bya Sadat Mbogo
Ababbi ab’emmundu 6 balumbye ekkolero lyaba-China erya Sino Plywood e Jjeza mu gombolola y’e Muduuma mu district y’e Mpigi nebabba emmundu 2 ku baserikale ba police ababadde bakuuma, ssente enkalu ezitannamanyika muwendo n’emotoka ya aba-China kika kya Toyota Harrier gybakozesezza okudduka.
Obubbi buno bubaddewo mu kiro ekikeesezza olwaleero ku ssaawa nga 8.
Okusinziira kuba poliisi abajjiddwako emmundu, baasoose kubasiba migwa olwo nebalumba abachina 3 nebabasiba emigwa nebabba buli kyebagala.
Addumira police mu Katonga Francis Chemusto agambye waliwo crime preventer Brian akwatiddwa ayambeko police mu kunonyererza, kuba yandibaaako kyamanyi ku bubbi buno obanga naye yabadde mu kkobaane.
Bino webijidde ngomukulembeze we gwanga Yoweri K. Museveni yakajja assubizza obukuumi eri amakolero gonna, mu gwanga, oluvanyuma lwobubbi ku makolero gano okweyongeranga.
Museveni agambye nti wakulagira poliisi, okuyiwa abajaasi mu bibangirizi byamakolero.
