Bya Ruth Anderah
Abenganda zomukazi eyali omutebeeyi wokunguudo, Oliver Basemera owemyaka 37 eyagwa mu mwala gwe Nakivubo, abakwasisa amateeka bwebaali bamugobaganya baddukidde mu kooti enkulu.
Bano bawawabidde ekitongole kya KCCA ne Ssabawolererza wa gavumenti nga bagala okubaliyirira obukadde 800.
Muwala womugenzi Rose Nalujja neba kooja be Patrick Kugoza ne Richard Baleke okuba e Kyenjonjo balumiriza Kituuma Rusoke ne banne bwebakwsisa amateeka, okutunula obutunuzi nga Basemera agwa mu mwala alyoke afe.
Aba-family bano bagamba nti ekitongole kya KCCA kyalagajjalira obuvunayizbwa bwakyo okutangira obulabe obuva ku mwala gwe Nakivubo, bwebalemwa okugwetolozaako olugo.
Kati bayise mu bannamateeka baabwe aba Asinguza and company advocates, nga bagamba nti ougenzi yayingizanga wakiri emitwalo 5 buli lunnaku, okuyita mu kutunda obutambaala nokutembeeya ebinyebwa ebisiike.
Omulimu guno bagamba gwegwavangamu ensimbi okubezaawo abaana be 3.
Omugenzi ayogerwako yafiira wano mu mwala gwe Nakivubo nga 4th August omwaka guno, okulinaana ewa Mukwano.
Akati abenganda zomugenzi bagala baliyirirwe obukadde 800 ezijudde, nga mwemuli nezo ezakola ku byokuziika.
