Bya Ritaha Kemigisa
Ekibiina ekigatta abakola mu buuma bwebyokwerinda obwa GPS, ekya Association of GPS tracking in Uganda bavumiridde gavumenti ku kyeyakoze okulonda obulonzi kampuni ye bweru, nebajiwa omulimu gwokuteeka obuuma mu bidduka, okuli emmotoka ne pikipiki.
Omwogezi wekibiina kino Henry Katongole agambye nti tekyabadde kya bwenkanya gavumenti obutagoberera mateeka agakwata ku kugula nokutunda ebintu bya gavumenti.
Asabye omukulembeze we’gwanga okubawa omukisa mu ntekateeka eno.
Ono era agumizza abebidduka nti ebisala byobuuma buno bisobokera ddala.
Minisita wobutebenkevu bwe’gwanga Rtd Maj Gen Jim Muhwezi, yagambye nti kampuni ya Global Systems LLC yeyawereddwa omulimu guno okugukola emyaka 10.