Bya Moses Ndhaye ne Ivan Ssenabulya
Ebitongole ebitakabanira ensonga z’ebyobulamu, bagamba nti waliwo obwetaavu okufuna amateeka aganakuuma abalwadde obutabbibwa ebisale ebisukiridde mu malwaliro agobwannanyini.
Ssenkulu wekitongole kya Centre for Health, Human Rights and Development Moses Mulumba, agambye nti waddenga egwanga lirina ebbeetu lyebyenfuna obwetaavu webauli ekisaawe kyebyobulamu okutunulirwa mungeri eyenjawulo kubanga abamu tebasobola bisale byabunajbabi ekibaviriko okufa.
Bano bawabudde nti gavumenti esobola okujjako amalwaliro gobwananyini layisinsi, agabba abantu mungeri yokubakangavvula.
Kino kyeyolese nnyo mu kiseera kino ekyobiulwadde bwa ssenyiga omukambwe, ngabantu babasula bukadde na bukadde ezobujanjabi bwa COVID-19, buli lunnaku olukedde bagereka emitwalo 50 ku bukadde 3 nekitundu.
Wabula agamu ku malwlairo agobwananayini kino, baakitadde ku bbeyi yomukka gwa oxygen ogwebbula.
Bino webijidde ngebibalo bya Uganda iraga nti abalwadde ba ssenyiga omukambwe baweze emitwalo 7 mu 7,505, okuva obulwadde lwebwayingira Uganda omwaka oguwedde.
Minisitule yebyobulamu olunnaku lweggulo yalangiridde abalwadde abappya 943 nabantu 38 abafudde, nga bavudde mu kukebera okwakolebwa nga 24 June 2021.
Kati nomuwendo gwabantu abakafa ogwawamu, gwaweze 868.
Bano bavudde mu disitulikiti ye Apac, Packwach, Kiryandongo, Gulu, Buhweju, Soroti, Kalangala nendala.
Wabula minisitule yebyobulamu eri mu ntekateka okuddamu okugema olunnaku lwenkya.
